திருப்பனந்தாள்

பாடல் 857
தந்தா தத்தன தந்தா தத்தன 
தந்தா தத்தன ...... தனதான 

கொந்தார் மைக்குழ லிந்தார் சர்க்கரை 
யென்றே செப்பிய ...... மொழிமாதர் 

கொங்கார் முத்துவ டந்தா னிட்டத 
னந்தா னித்தரை ...... மலைபோலே 

வந்தே சுற்றிவ ளைந்தா லற்பம 
னந்தா னிப்படி ...... யுழலாமல் 

மங்கா நற்பொரு ளிந்தா அற்புதம் 
என்றே யிப்படி ...... அருள்வாயே 

இந்தோ டக்கதிர் கண்டோ டக்கட 
மண்டா நற்றவர் ...... குடியோட 

எங்கே யக்கிரி யெங்கே யிக்கிரி 
யென்றே திக்கென ...... வருசூரைப் 

பந்தா டித்தலை விண்டோ டக்களம் 
வந்தோ ரைச்சில ...... ரணகாளிப் 

பங்கா கத்தரு கந்தா மிக்கப 
னந்தா ளுற்றருள் ...... பெருமாளே.