திருப்பூந்துருத்தி

பாடல் 888

தாந்த தத்தன தானா தானன 
தாந்த தத்தன தானா தானன 
தாந்த தத்தன தானா தானன ...... தந்ததான 

வீங்கு பச்சிள நீர்போல் மாமுலை 
சேர்ந்த ணைத்தெதிர் மார்பூ டேபொர 
வேண்டு சர்க்கரை பால்தே னேரிதழ் ...... உண்டுதோயா 

வேண்டு ரைத்துகில் வேறாய் மோகன 
வாஞ்சை யிற்களி கூரா வாள்விழி 
மேம்ப டக்குழை மீதே மோதிட ...... வண்டிராசி 

ஓங்கு மைக்குழல் சாதா வீறென 
வீந்து புட்குரல் கூவா வேள்கலை 
யோர்ந்தி டப்பல க்ரீடா பேதமு ...... யங்குமாகா 

ஊண்பு ணர்ச்சியு மாயா வாதனை 
தீர்ந்து னக்கெளி தாயே மாதவ 
மூன்று தற்குமெய்ஞ் ஞானா சாரம்வ ...... ழங்குவாயே 

தாங்கு நிற்சரர் சேனா நீதரு 
னாங்கு ருத்ரகு மாரா கோஷண 
தாண்ட வற்கருள் கேகீ வாகன ...... துங்கவீரா 

சாங்கி பற்சுகர் சீநா தீசுர 
ரேந்த்ரன் மெச்சிய வேலா போதக 
சாந்த வித்தக ஸ்வாமீ நீபவ ...... லங்கன்மார்பா 

பூங்கு ளத்திடை தாரா வோடன 
மேய்ந்த செய்ப்பதி நாதா மாமலை 
போன்ற விக்ரக சூரா ரீபகி ...... ரண்ட்ருபா 

போந்த பத்தர்பொ லாநோய் போயிட 
வேண்ட நுக்ரக போதா மேவிய 
பூந்து ருத்தியில் வாழ்வே தேவர்கள் ...... தம்பிரானே.