பாக்கம்

பாடல் 678
தாத்தத்த தானதன தாத்தத்த தானதன 
தாத்தத்த தானதன ...... தனதான 

கார்க்கொத்த மேனிகடல் போற்சுற்ற மானவழி 
காய்த்தொட்டொ ணாதவுரு ...... ஒருகோடி 

காக்கைக்கு நாய்கழுகு பேய்க்கக்க மானவுடல் 
காட்டத்தி னீளெரியி ...... லுறவானிற் 

கூர்ப்பித்த சூலனத னாற்குத்தி யாவிகொடு 
போத்துக்க மானகுறை ...... யுடையேனைக் 

கூப்பிட்டு சாவருளி வாக்கிட்டு நாமமொழி 
கோக்கைக்கு நூலறிவு ...... தருவாயே 

போர்க்கெய்த்தி டாமறலி போற்குத்தி மேவசுரர் 
போய்த்திக்கெ லாமடிய ...... வடிவேலாற் 

பூச்சித்தர் தேவர்மழை போற்றுர்க்க வேபொருது 
போற்றிச்செய் வார்சிறையை ...... விடுவோனே 

பார்க்கொற்ற நீறுபுனை வார்க்கொக்க ஞானபர 
னாய்ப்பத்தி கூர்மொழிகள் ...... பகர்வாழ்வே 

பாக்கொத்தி னாலியலர் நோக்கைக்கு வேல்கொடுயர் 
பாக்கத்தில் மேவவல ...... பெருமாளே. 
பாடல் 679 
தாத்தத் தனந்த தந்த தாத்தத் தனந்த தந்த 
தாத்தத் தனந்த தந்த ...... தனதான 

பாற்றுக் கணங்கள் தின்று தேக்கிட் டிடுங்கு ரம்பை 
நோக்கிச் சுமந்து கொண்டு ...... பதிதோறும் 

பார்த்துத் திரிந்து ழன்று ஆக்கத் தையுந்தெ ரிந்து 
ஏக்கற்று நின்று நின்று ...... தளராதே 

வேற்றுப் புலன்க ளைந்து மோட்டிப் புகழ்ந்து கொண்டு 
வீட்டிற் புகுந்தி ருந்து ...... மகிழ்வேனோ 

மாற்றற்ற பொன்து லங்கு வாட்சக்கி ரந்தெ ரிந்து 
வாய்ப்புற்ற மைந்த சங்கு ...... தடிசாப 

மாற்பொற்க லந்து லங்க நாட்டச்சு தன்ப ணிந்து 
வார்க்கைத்த லங்க ளென்று ...... திரைமோதும் 

பாற்சொற்ற டம்பு குந்து வேற்கட்சி னம்பொ ருந்து 
பாய்க்குட் டுயின்ற வன்றன் ...... மருகோனே 

பாக்குக் கரும்பை கெண்டை தாக்கித் தடம் படிந்த 
பாக்கத் தமர்ந்தி ருந்த ...... பெருமாளே.