மதுராந்தகம்

பாடல் 718
தனதாந்த தத்த தனன தத்தத் 
தந்த தத்த தந்த ...... தனதான 

குதிபாய்ந்தி ரத்தம் வடிதொ ளைத்தொக் 
கிந்த்ரி யக்கு ரம்பை ...... வினைகூர்தூர் 

குணபாண்ட முற்ற கிலமெ னக்கைக் 
கொண்டி ளைத்த யர்ந்து ...... சுழலாதே 

உதிதாம்ப ரத்தை யுயிர்கெ டப்பொற் 
கிண்கி ணிச்ச தங்கை ...... விதகீத 

உபயாம்பு யப்பு ணையையி னிப்பற் 
றுங்க ருத்தை யென்று ...... தருவாயே 

கதைசார்ங்க கட்கம் வளைய டற்சக் 
ரந்த ரித்த கொண்டல் ...... மருகோனே 

கருணாஞ்ச னக்க மலவி ழிப்பொற் 
பைம்பு னக்க ரும்பின் ...... மணவாளா 

மதனாந்த கர்க்கு மகவெ னப்பத் 
மந்த னிற்பி றந்த ...... குமரேசா 

மதுராந்த கத்து வடதி ருச்சிற் 
றம்ப லத்த மர்ந்த ...... பெருமாளே. 
பாடல் 719 
ராகம் - பூர்வி கல்யாணி 
தாளம் - அங்கதாளம் (15) 
தகதகிட-2 1/2, தகிட-1 1/2, தகிட-1 1/2, தகதிமி-2 
தகிட-1 1/2, தகிட-1 1/2, தகிட-1 1/2, தகதிமிதக-3 

தனதாந்த தத்த தனன தத்தத் 
தந்த தத்த தந்த ...... தனதான 

சயிலாங்க னைக்கு ருகியி டப்பக் 
கங்கொ டுத்த கம்பரி¨ன் ...... வெகுசாரி 

சதிதாண்ட வத்தர் சடையி டத்துக் 
கங்கை வைத்த நம்பர் ...... உரைமாளச் 

செயல்மாண்டு சித்த மவிழ நித்தத் 
த்வம்பெ றப்ப கர்ந்த ...... வுபதேசஞ் 

சிறியேன்த னக்கு முரைசெ யிற்சற் 
றுங்கு ருத்து வங்கு ...... றையுமோதான் 

அயில்வாங்கி யெற்றி யுததி யிற்கொக் 
கன்ற னைப்பி ளந்து ...... சுரர்வாழ 

அகிலாண்ட முற்று நொடியி னிற்சுற் 
றுந்தி றற்ப்ர சண்ட ...... முழுநீல 

மயில்தாண்ட விட்டு முதுகு லப்பொற் 
குன்றி டித்த சங்க்ர ...... மவிநோதா 

மதுராந்த கத்து வடதி ருச்சிற் 
றம்ப லத்த மர்ந்த ...... பெருமாளே. 
பாடல் 720 
தனதாந்தன தானன தந்தன 
தனதாந்தன தானன தந்தன 
தனதாந்தன தானன தந்தன ...... தந்ததான 

மனைமாண்சுத ரான சுணங்கரு 
மனம்வேந்திணை யான தனங்களு 
மடிவேன்றனை யீண அணங்குறு ...... வம்பராதி 

மயமாம்பல வான கணங்குல 
மெனப்ராந்தியும் யானென தென்றுறு 
வணவாம்பிர மாத குணங்குறி ...... யின்பசார 

இனவாம்பரி தான்ய தனம்பதி 
விடஏன்றெனை மோன தடம்பர 
மிகுதாம்பதி காண கணங்கன ...... வும்பரேசா 

இடவார்ந்தன சானு நயம்பெறு 
கடகாங்கர சோண வியம்பர 
இடாமங்கன தாளரு ளும்படி ...... யென்றுதானோ 

தனதாந்தன தான தனந்தன 
தெனதோங்கிட தோன துனங்கிட 
தனவாம்பர மான நடம்பயில் ...... எம்பிரானார் 

தமதாஞ்சுத தாபர சங்கம 
மெனவோம்புறு தாவன வம்படர் 
தகுதாம்பிர சேவித ரஞ்சித ...... வும்பர்வாழ்வே 

முனவாம்பத மூடிக வந்தன 
முயல்வான்பிடி மாடிமை யைங்கரர் 
முகதாம்பின மேவுறு சம்ப்ரம ...... சங்கணாறு 

முககாம்பிர மோடமர் சம்பன 
மதுராந்தக மாநக ரந்திகழ் 
முருகாந்திர மோடம ரும்பர்கள் ...... தம்பிரானே.