மாண்டதென்ன திண்ணையிலே

கணவன் திடீரென்று மாரடைப்பால் இறந்து விட்டான். அவன் திடீர் மரணத்தைக் குறித்து வருந்தி துடி துடித்து மனைவி அழுகிறாள்.

சோப்பு படி கிணறு
சோமம் துவைக்கும் கல்லு
சோப்பு பெட்டி இங்கிருக்க-நீங்க
சோர்ந்ததென்ன திண்ணையிலே
மல்லு துவைக்கும் கல்லு
மாசிப்படி கிணறு
மல்லு பெட்டி இங்கிருக்க-நீங்க
மாண்ட தென்ன திண்ணையிலே
கருத்த புளியங் கொட்டை
கருத்தா பொழைக்குதுங்க-நான்
கஸ்தூரி நல்ல மஞ்சா
கனங் கொறஞ்சி நிக்கறனே
செவந்த புளியங் கொட்டை
சீரா பொளைக்குதுங்கோ-நான்
சேலத்து நல்ல மஞ்சா
சீரழிஞ்சு நிக்கரனே

சேகரித்தவர் : கவிஞர் சடையப்பன்
இடம்: அருர், தருமபுரி மாவட்டம்.
---------