ஒன்று இல்லாமற் பயன்படாதவை

கோவில் இல் லாதவூர், நாசியில் லாமுகம், 
      கொழுநன் இல் லாத மடவார், 
குணமதில் லாவித்தை, மணமதில் லாதமலர், 
      குஞ்சரம் இலாத சேனை, 
காவல்இல் லாதபயிர், பாலர்இல் லாதமனை, 
      கதிர்மதி யிலாத வானம், 
கவிஞர்இல் லாதசபை, சுதிலயை இலாதபண், 
      காவலர் இலாத தேசம், 
ஈவதில் லாததனம் நியமம்இல் லாதசெபம், 
      இசை லவணம் இல்லா தவூண், 
இச்சையில் லாதபெண் போகநலம், இவை தம்மின் 
      ஏதுபலன் உண்டு? கண்டாய்! 
ஆவியனை யாட்கிடம் தந்தவா! கற்பதரு 
      ஆகும்எம தருமை மதவேள் 
அனுதினமும் மனதில்நினை தருசதுர கிரிவளர் 
      அறப்பளீ சுரதே வனே!
-------------