தகாத சேர்க்கை

பூததயை இல்லாத லோபிய ரிடத்திலே 
      பொருளைஅரு ளிச்செய் தனை! 
புண்ணியம் செய்கின்ற சற்சன ரிடத்திலே 
      பொல்லாத மிடிவைத் தனை! 
நீதியகல் மூடர்க் கருந்ததி யெனத்தக்க 
      நெறிமாத ரைத்தந் தன்னை! 
நிதானம்உள உத்தமர்க் கிங்கிதம் இலாதகொடு 
      நீலியைச் சோவித் தனை! 
சாதியில் உயர்ந்தபேர் ஈனர்பின் னேசென்று 
      தாழ்ந்துபர வச்செய் தனை! 
தமிழருமை யறியாத புல்லர்மேற் கவிவாணர் 
      தாம்பாட வேசெய் தனை! 
ஆதரவிலாமல்இப் படிசெய்ததென் சொலாய்? 
      அமல! எமதருமை மதவேள் 
அனுதினமும் மனதில்நினை தருசதுர கிரிவளர்
      அறப்பளீ சுரதே வனே!
-----------