செய்ய வேண்டும்

வாலிபந் தனில்வித்தை கற்க வேண்டும்;கற்ற 
      வழியிலே நிற்க வேண்டும்; 
வளைகடல் திரிந்து பொருள் தேடவேண்டும்;தேடி 
      வளரறஞ் செய்ய வேண்டும்; 
சீலம்உடை யோர்களைச் சேரவேண் டும்;பிரிதல் 
      செய்யா திருக்க வேண்டும் 
செந்தமிழ்ப் பாடல்பல கொள்ளவேண் டும்;கொண்டு 
      தியாகம் கொடுக்க வேண்டும்; 
ஞாலமிசை பலதருமம் நாட்டவேண் டும்;நாட்டி 
      நன்றாய் நடத்த வேண்டும்; 
நம்பன் இணை யடிபூசை பண்ணவேண் டும்;பண்ணி 
      னாலும்மிகு பத்தி வேண்டும் 
ஆலமமர் கண்டனே! பூதியணி முண்டனே! 
      அனக! எமதருமை மதவேள் 
அனுதினமும் மனதில்நினை தருசதுர கிரிவளர் 
      அறப்பளீ சுரதே வனே!
-----------