இல்லை

காமிக்கு முறையில்லை; வேசைக்கு நாண்இல்லை; 
      கயவர்க்கு மேன்மை யில்லை; 
கன்னம்இடு கள்வருக் கிருளில்லை; விபசார 
      கன்னியர்க் காணை யில்லை; 
தாமெனும் மயக்கறுத் தோங்குபெரி யோர்க்குவரு 
      சாதிகுலம்என்ப தில்லை; 
தாட்சணியம் உடையபேர்க் கிகலில்லை; எங்குமொரு 
      சார்பிலார்க் கிடம தில்லை; 
பூமிக்குள் ஈயாத லோபர்க்கு வளமான 
      புகழென்ப தொன்று மில்லை; 
புலையர்க்கு நிசமில்லை; கைப்பொருள் இலாததோர் 
      புருடருக் கொன்றும் இல்லை; 
யாமினி தனக்கு நிகர் கந்தரத் திறைவனே 
      அன்புடைய அருமை மதவேள் 
அனுதினமும் மனதில்நினை தருசதுர கிரிவளர் 
      அறப்பளீ சுரதே வனே!
-----------