மாணிக்கங்கள்

சுழிசுத்த மாயிருந்ததிலும் படைக்கான 
      துரகம்ஓர் மாணிக் கம்ஆம்; 
சூழ்புவிக் கரசனாய் அதிலேவி வேகமுள 
      துரையுமோர் மாணிக் கம்ஆம்; 
பழுதற்ற அதிரூப வதியுமாய்க் கற்புடைய 
      பாவையோர் மாணிக் கம்ஆம்; 
பலகலைகள் கற்றறி அடக்கமுள பாவலன் 
      பார்க்கிலோர் மாணிக் கம்ஆம்; 
ஒழிவற்ற செல்வனாய் அதிலே விவேகியாம் 
      உசிதனோர் மாணிக் கம்ஆம்; 
உத்தம குலத்துதித் ததிலுமோ மெய்ஞ்ஞானம் 
      உடையனோர் மாணிக் கம்ஆம்;
அழிவற்ற வேதாக மத்தின்வடி வாய்விளங் 
      கமலனே! அருமை மதவேள் 
அனுதினமும் மனதில்நினை தருசதுர கிரிவளர் 
      அறப்பளீ சுரதே வனே!