காமத்தூர்

பாடல் 988
தானத் தானத் தானத் தானத் 
தானத் தானத் ...... தனதானா 

ஆகத் தேதப் பாமற் சேரிக் 
கார்கைத் தேறற் ...... கணையாலே 

ஆலப் பாலைப் போலக் கோலத் 
தாயக் காயப் ...... பிறையாலே 

போகத் தேசற் றேதற் பாயற் 
பூவிற் றீயிற் ...... கருகாதே 

போதக் காதற் போகத் தாளைப் 
பூரித் தாரப் ...... பூணராயே 

தோகைக் கேயுற் றேறித் தோயச் 
சூர்கெட் டோடப் ...... பொரும்வேலா 

சோதிக் காலைப் போதக் கூவத் 
தூவற் சேவற் ...... கொடியோனே 

பாகொத் தேசொற் பாகத் தாளைப் 
பாரித் தார்நற் ...... குமரேசா 

பாரிற் காமத் தூரிற் சீலப் 
பாலத் தேவப் ...... பெருமாளே.