கொட்டையூர்

பாடல் 871
தத்ததனத் தத்ததனத் தத்ததனத் தத்ததனத் 
தத்ததனத் தத்ததனத் ...... தனதான 

பட்டுமணிக் கச்சிருகக் கட்டியவிழ்த் துத்தரியப் 
பத்தியின்முத் துச்செறிவெற் ...... பிணையாமென் 

பற்பமுகைக் குத்துமுலைத் தத்தையர்கைப் புக்குவசப் 
பட்டுருகிக் கெட்டவினைத் ...... தொழிலாலே 

துட்டனெனக் கட்டனெனப் பித்தனெனப் ப்ரட்டனெனச் 
சுற்றுமறச் சித்தனெனத் ...... திரிவேனைத் 

துக்கமறுத் துக்கமலப் பொற்பதம்வைத் துப்பதவிச் 
சுத்தியணைப் பத்தரில்வைத் ...... தருள்வாயே 

சுட்டபொருட் கட்டியின்மெய்ச் செக்கமலப் பொற்கொடியைத் 
துக்கமுறச் சொர்க்கமுறக் ...... கொடியாழார் 

சுத்தரதத் திற்கொடுபுக் குக்கடுகித் தெற்கடைசிச் 
சுற்றுவனத் திற்சிறைவைத் ...... திடுதீரன் 

கொட்டமறப் புற்றரவச் செற்றமறச் சத்தமறக் 
குற்றமறச் சுற்றமறப் ...... பலதோளின் 

கொற்றமறப் பத்துமுடிக் கொத்துமறுத் திட்டதிறற் 
கொற்றர்பணிக் கொட்டைநகர்ப் ...... பெருமாளே.