கோசைநகர்

பாடல் 699
தானதன தானதன தானதன தானதன 
தானதன தானதன ...... தனதான 

ஆதவித பாரமுலை மாதரிடை நூல்வயிற 
தாலிலையெ னாமதன ...... கலைலீலை 

யாவும்விளை வானகுழி யானதிரி கோணமதி 
லாசைமிக வாயடிய ...... னலையாமல் 

நாதசத கோடிமறை யோலமிடு நூபுரமு 
னானபத மாமலரை ...... நலமாக 

நானநுதி னாதினமு மேநினைய வேகிருபை 
நாடியரு ளேயருள ...... வருவாயே 

சீதமதி யாடரவு வேரறுகு மாஇறகு 
சீதசல மாசடில ...... பரமேசர் 

சீர்மைபெற வேயுதவு கூர்மைதரு வேலசிவ 
சீறிவரு மாவசுரர் ...... குலகாலா 

கோதைகுற மாதுகுண தேவமட மாதுமிரு 
பாலுமுற வீறிவரு ...... குமரேசா 

கோசைநகர் வாழவரு மீசடியர் நேசசரு 
வேசமுரு காவமரர் ...... பெருமாளே.