சேலம்

பாடல் 934

ராகம் - கானடா 
தாளம் - ஆதி 

தனதன தானத் தனதன தானத் 
தனதன தானத் ...... தனதான 

பரிவுறு நாரற் றழல்மதி வீசச் 
சிலைபொரு காலுற் ...... றதனாலே 

பனிபடு சோலைக் குயிலது கூவக் 
குழல்தனி யோசைத் ...... தரலாலே 

மருவியல் மாதுக் கிருகயல் சோரத் 
தனிமிக வாடித் ...... தளராதே 

மனமுற வாழத் திருமணி மார்பத் 
தருள்முரு காவுற் ...... றணைவாயே 

கிரிதனில் வேல்விட் டிருதொளை யாகத் 
தொடுகும ராமுத் ...... தமிழோனே 

கிளரொளி நாதர்க் கொருமக னாகித் 
திருவளர் சேலத் ...... தமர்வோனே 

பொருகிரி சூரக் கிளையது மாளத் 
தனிமயி லேறித் ...... திரிவோனே 

புகர்முக வேழக் கணபதி யாருக் 
கிளையவி நோதப் ...... பெருமாளே.