சோலை மேவிய குன்று

 பாடல் 516 
தந்தனா தான தானன தந்தனா தான தானன 
தந்தனா தான தானன ...... தனதான 

வஞ்சமே கோடி கோடிகள் நெஞ்சமே சேர மேவிய 
வன்கணா ரார வாரமு ...... மருள்வோராய் 

வம்பிலே வாது கூறிகள் கொஞ்சியே காம லீலைகள் 
வந்தியா ஆசை யேதரு ...... விலைமாதர் 

பஞ்சமா பாவ மேதரு கொங்கைமேல் நேச மாய்வெகு 
பஞ்சியே பேசி நாடொறு ...... மெலியாதே 

பந்தியாய் வானு ளோர்தொழ நின்றசீ ரேகு லாவிய 
பண்புசேர் பாத தாமரை ...... யருள்வாயே 

அஞ்சவே சூர னானவ னுய்ஞ்சுபோ காம லேயயில் 
அன்றுதா னேவி வானவர் ...... சிறைமீள 

அன்பினோ டேம னோரத மிஞ்சமே லான வாழ்வருள் 
அண்டர்கோ வேப ராபர ...... முதல்வோனே 

கொஞ்சவே காலின் மேவுச தங்கைதா னாட ஆடிய 
கொன்றையா னாளு மேமகிழ் ...... புதல்வோனே 

கொந்துசேர் சோலை மேவிய குன்றுசூழ் வாக வேவரு 
குன்றுதோ றாடல் மேவிய ...... பெருமாளே.