திருநள்ளாறு

பாடல் 808
ராகம் - யதுகுல காம்போதி 
தாளம் - அங்கதாளம் (7 1/2) 
(எடுப்பு - 3/4 தள்ளி) 
தகிட-1 1/2, தகதிமி-2, தகதிமி-2, தகதிமி-2 

தத்த தந்தன தானன தானன 
தத்த தந்தன தானன தானன 
தத்த தந்தன தானன தானன ...... தனதான 

பச்சை யொண்கிரி போலிரு மாதன 
முற்றி தம்பொறி சேர்குழல் வாளயில் 
பற்று புண்டரி காமென ஏய்கயல் ...... விழிஞான 

பத்தி வெண்டர ளாமெனும் வாணகை 
வித்ரு மஞ்சிலை போல்நுத லாரிதழ் 
பத்ம செண்பக மாமநு பூதியி ...... னழகாளென் 

றிச்சை யந்தரி பார்வதி மோகினி 
தத்தை பொன்கவி னாலிலை போல்வயி 
றிற்ப சுங்கிளி யானமி னூலிடை ...... யபிராமி 

எக்கு லங்குடி லோடுல கியாவையு 
மிற்ப திந்திரு நாழிநெ லாலற 
மெப்பொ தும்பகிர் வாள்கும ராஎன ...... வுருகேனோ 

கச்சை யுந்திரு வாளுமி ராறுடை 
பொற்பு யங்களும் வேலுமி ராறுள 
கட்சி வங்கம லாமுக மாறுள ...... முருகோனே 

கற்ப கந்திரு நாடுயர் வாழ்வுற 
சித்தர் விஞ்சையர் மாகர்ச பாசென 
கட்ட வெங்கொடு சூர்கிளை வேரற ...... விடும்வேலா 

நச்சு வெண்பட மீதணை வார்முகில் 
பச்சை வண்புய னார்கரு டாசனர் 
நற்க ரந்தநு கோல்வளை நேமியர் ...... மருகோனே 

நற்பு னந்தனில் வாழ்வளி நாயகி 
யிச்சை கொண்டொரு வாரண மாதொடு 
நத்தி வந்துந ளாறுறை தேவர்கள் ...... பெருமாளே.