திருவாவடுதுறை

பாடல் 848
தத்ததன தான தனத்தனத் தத்ததத்த 
தத்ததன தான தனத்தனத் தத்ததத்த 
தத்ததன தான தனத்தனத் தத்ததத்த ...... தனதான 

சொற்பிழைவ ராம லுனைக்கனக் கத்துதித்து 
நிற்பதுவ ராத பவக்கடத் திற்சுழற்றி 
சுக்கிலவ தார வழிக்கிணக் கிக்களித்து ...... விலைமாதர் 

துப்பிறைய தான இதழ்க்கனிக் குக்கருத்தை 
வைத்துமய லாகி மனத்தைவிட் டுக்கடுத்த 
துற்சனமகாத கரைப்புவிக் குட்டழைத்த ...... நிதிமேவு 

கற்பகஇ ராச னெனப்படைக் குப்பெருத்த 
அர்ச்சுனந ராதி யெனக்கவிக் குட்பதித்து 
கற்றறிவி னாவை யெடுத்தடுத் துப்படித்து ...... மிகையாகக் 

கத்திடுமெ யாக வலிக்கலிப் பைத்தொலைத்து 
கைப்பொருளி லாமை யெனைக்கலக் கப்படுத்து 
கற்பனைவி டாம லலைத்திருக் கச்சலிக்க ...... விடலாமோ 

எற்பணிய ராவை மிதுத்துவெட் டித்துவைத்து 
பற்றியக ராவை யிழுத்துரக் கக்கிழித்து 
எட்கரிப டாம லிதத்தபுத் திக்கதிக்கு ...... நிலையோதி 

எத்தியப சாசின் முலைக்குடத் தைக்குடித்து 
முற்றுயிரி லாம லடக்கிவிட் டுச்சிரித்த 
யிற்கணையி ராமர் சுகித்திருக் கச்சினத்த ...... திறல்வீரா 

வெற்பெனம தாணி நிறுத்துருக் கிச்சமைத்து 
வர்க்கமணி யாக வடித்திருத் தித்தகட்டின் 
மெய்க்குலம தாக மலைக்கமுத் தைப்பதித்து ...... வெகுகோடி 

விட்கதிர தாக நிகர்த்தொளிக் கச்சிவத்த 
ரத்தினப டாக மயிற்பரிக் குத்தரித்து 
மிக்கதிரு வாவ டுநற்றுறைக் குட்செழித்த ...... பெருமாளே.