பட்டேன் படாத துயரம் !

மடிகட்டிக்கல் பெறக்கி
மண்டலங்கள் உண்டுபண்ணி
மண்டபமும் இங்கிருக்க
மயில் போன மாயமென்ன
கூட கொண்டு கல் பெறக்கி
கோபுரங்கள் உண்டு பண்ணி
கோபுரமும் இங்கிருக்க
குயில் போன மாயமென்ன
தூண்டா மணி விளக்கு
சுவரோரம் நிண்ணெரியும்
தூசி பட்டால் மங்காது-என்னோட
துயரம் சொன்னால் மங்கிவிடும்
காந்தா மணி விளக்கு
கதவோரம் நின்னெரியும்
காத்தடிச்சா மங்காது என்னோட
கவலை சொன்னா மங்கிவிடும்
பூத்த மரம் கீழிருந்து-என்
பொண் பாட்டைச் சொல்லிவிட்டா
பூத்த மரமெல்லாம்
பூமாறிப் போயிடுமே
காய்ச்ச மரம் கீழிருந்து-என்
கவலையச் சொல்லி விட்டா
காய்ச்ச மரமெல்லாம்
காய் மாறிப் போயிடுமே