கடம்பூர்

பாடல் 757
தானனம் தானான தானனம் தானான 
தானனம் தானான ...... தனதான 

வாருமிங் கேவீடி தோபணம் பாஷாண 
மால்கடந் தேபோமே ...... னியலூடே 

வாடிபெண் காள்பாயை போடுமென் றாசார 
வாசகம் போல்கூறி ...... யணைமீதே 

சேருமுன் காசாடை வாவியும் போதாமை 
தீமைகொண் டேபோமெ ...... னடமாதர் 

சேரிடம் போகாம லாசுவந் தேறாமல் 
சீதளம் பாதார ...... மருள்வாயே 

நாரணன் சீராம கேசவன் கூராழி 
நாயகன் பூவாயன் ...... மருகோனே 

நாரதும் பூர்கீத மோதநின் றேயாடு 
நாடகஞ் சேய்தாள ...... ரருள்பாலா 

சூரணங் கோடாழி போய்கிடந் தேவாட 
சூரியன் தேரோட ...... அயிலேவீ 

தூநறுங் காவேரி சேருமொண் சீறாறு 
சூழ்கடம் பூர்தேவர் ...... பெருமாளே.