திருக்கோவலூர்

பாடல் 733

தான தானன தானன, தான தானன தானன 
தான தானன தானன ...... தனதான 

பாவ நாரிகள் மாமட மாதர் வீணிக ளாணவ 
பாவை யாரிள நீரன ...... முலையாலும் 

பார்வை யாமிகு கூரயி லாலு மாமணி யார்குழை 
பார காரன வார்குழ ...... லதனாலுஞ் 

சாவ தார விதாரமு தார்த ராவித ழாலித 
சாத மூரலி தாமதி ...... முகமாலுஞ் 

சார்வ தாவடி யேனிடர் வீற மாலறி வேமிகு 
சார மாயதி லேயுற ...... லொழிவேனோ 

ஆவ ஆர்வன நான்மறை யாதி மூல பராவரி 
யாதி காணரி தாகிய ...... பரமேச 

ஆதி யாரருள் மாமுரு கேச மால்மரு கேசுர 
னாதி தேவர்க ளியாவர்கள் ...... பணிபாத 

கோவ தாமறை யோர்மறை யோது மோதம் விழாவொலி 
கோடி யாகம மாவொலி ...... மிகவீறும் 

கோவை மாநகர் மேவிய வீர வேலயி லாயுத 
கோதை யானையி னோடமர் ...... பெருமாளே.